7, అక్టోబర్ 2013, సోమవారం

కలుషవిదారిణి నారాయణీ




కలుషవిదారిణి నారాయణీ నను
కరుణించితివా నారాయణీ

బాలా లీలావినోదినీ పరిపాలితకింకరి నారాయణీ
లీలాపాంగాకృతభువనాళీ కాలస్వరూపిణి నారాయణీ ॥కలుషవిదారిణి॥

సర్వాంతర్యామిని బ్రహ్మజ్ఞానప్రదాయిని నారాయణీ
గర్వితభండాద్యసురవినాశిని కాలస్వరూపిణి నారాయణీ  ॥కలుషవిదారిణి॥

బంధురాలకా నిగమవినోదిని పావనమూర్తీ నారాయణీ
గంధసింధురగమనా గౌరీ కాలస్వరూపిణి నారాయణీ   ॥కలుషవిదారిణి॥

సమయాచారప్రమోదిని రాకాచంద్రనిభానన నారాయణీ
విమలా వంద్యా వింధ్యవాసినీ విజయస్వరూపిణి నారాయణీ   ॥కలుషవిదారిణి॥



1 వ్యాఖ్య:

  1. ఈ మధ్య మీరు పద్యరచన కంటే గీతరచన పైన ఎక్కువ ఆసక్తి చూపుతున్నట్టుంది.
    మీ కీర్తన శబ్దవైభవంతో అలరారుతున్నవి. అభినందనలు.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.