19, అక్టోబర్ 2013, శనివారం

రామకీర్తనలు - 16 నవ్వే వారెల్ల నా వారే!


నవ్వే వారెల్ల  నా వారే నా
   నొవ్వుల గని రామ దవ్వున నిలబడి
నవ్వే వారెల్ల  నా వారే


నీ వేమో నా భావన నుందువు
   నే నేమో నీ పదముల నుందును
ఏ విధమైన యెడబాటైన
   ఆవేశపడి యావేదనపడ
॥నవ్వే॥

శరములవలనే వరముల విసిరే
   కరుణాళుడవని ఘననతకెక్కితివి
మరపు నటించుచు చిరునగవులనే
   కరువు జేయ నే కటకటబడగా
॥నవ్వే॥

ఎవరు నవ్విన ఏమను కొనిన
    ఎవరున్మాదినని ఎంచిన గాని
తవిలి యుంటి నని తలపక నీవే
   చెవులకు చేర్చవు నా వినతులని
॥నవ్వే॥


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.