9, ఆగస్టు 2013, శుక్రవారం

రామకీర్తనలు - 10 ఏ మయ్యా ఓ రామజోగీ ఏ ఊరయ్యా నీది

ఏ మయ్యా ఓ రామజోగీ 
    ఏ ఊరయ్యా నీదీ
ఏమో నిన్ను ఎరిగిన వారు 
    ఎవరూ‌ లేరనిపిస్తోందీ

బైరాగి వలే వేషం‌ కట్టీ
    భేషుగ్గానే‌ ఉన్నావూ
దూరం నుండీ వచ్చావేమో
    ఊరి కోవెలలొ విడిసేవా ॥ఏ మయ్యా॥    

దిక్కుమాలిన సంసారమనే
    టక్కరి జబ్బు తగులుకుని
ఇక్కడి ప్రజలు వైద్యం లేక
    చిక్కులు పడుతున్నారయ్యా ॥ఏ మయ్యా॥

ఘన వైద్యులు  బైరాగుల్లోనే
     కనబడతారని అంటారే
మనకేమైనా వైద్యపు గీద్యపు
      పనితనముందా చెప్పండీ ॥ఏ‌ మయ్యా॥

ఎవరికి అంతు చిక్కని జబ్బు
    ఇక్కడ ఎంతో‌ ముదిరింది
భవవైద్యానికి మందులు నీకు
    బాగా తెలుసా చెప్పు మరి  ॥ఏ మయ్యా॥

1 వ్యాఖ్య:


  1. ఇదిగో నయ్యా శ్యామ యోగి,
    భవవైద్యానికి మందులు లేవయా
    మునిగినా తేలినా నను మరువకయ్యా
    అదియే నిక్కచ్చి గ మందయ్యా !


    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.