17, ఆగస్టు 2013, శనివారం

ఏమి దుర్గతి పట్టె నోయమ్మా, ఓ భారతాంబా!

ఈ రోజున  యువరాజు పట్టాభిషేకానికి ముహూర్తం కుదిరింది అని ఒక  వార్త ఒక బ్లాగు టపా వచ్చింది.  దానికి నా స్పందన.


ఏమి దుర్గతి పట్టె నోయమ్మా, ఓ భారతాంబా
ఏమి దుర్గతి పట్టె నోయమ్మా, ఇక ముందు నీకు
ఎంత దుర్గతి పట్ట నుందమ్మా!

అక్కటా  చెడు కాలమైతే
కుక్కమూతి పిందెలంటా

ఒక్కొటొక్కటి పుట్టుకొచ్చీ
దిక్కులేక చెట్టు కూలేను
కుక్కమూతి పిందెలట్టీ
ఒక్కొరొక్కరొక్కరు గద్దెకెక్కేరా?  ॥ఏమి దుర్గతి॥

పేరుకేమో ప్రజలు ప్రభువులు
వీరి పేరున ధనమదాంధులు
పేరుమోసిన నేరగాండ్రూ
వీరు వారని లేదు దొంగలు
ఔరా ఈ‌నాడు పాలకు 
లైరి ప్రజలకు యేమి గతి యింక  ॥ఏమి దుర్గతి॥

అష్టకష్టాలోర్చిపోరగ
దుష్టపాలన అంతరించి 
షష్టిపూర్తి నాటికే కడు
దుష్టనాయకులన్నిమూలల
కష్టపడి సాధించు కొన్నది 
నష్టపడితే‌ తాళ లేమమ్మా  ॥ఏమి దుర్గతి॥   

3 వ్యాఖ్యలు:

  1. రాజుల కాలం నుండీ ఇదే జబ్బు. నెహ్రూ నుండి కరుణానిధి దాకా ప్రతి ఒక్కరూ తమ పిల్లలే గద్దె ఎక్కాలని తాపత్రయపడ్డారు.

    ప్రత్యుత్తరంతొలగించు
    ప్రత్యుత్తరాలు
    1. అదే మన ఖర్మ.

      నా చిన్నప్పుడు నెహ్రూ గారు మంచివారు, గొప్పవారూ అన్న భ్రమ ఉండేది. క్రమంగా ఆయన కేవలం ఉపన్యాస కేసరి, మంచి రచయితా కావచ్చు గాని పరమ అసమర్థనాయకుడు అని అర్థం అయింది.

      నిజానికి ఆయనొక సామ్రాజ్యవాది అని తేలింది!

      తొలగించు
  2. భజన చేసే విధము తెలియండీ! జనులార మీరు చేరి మొక్కితె బతుక నేర్చేరు... అదండి సంగతి.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.