17, ఆగస్టు 2013, శనివారం

పాహి రామప్రభో - 200

శ్రీరామచండ్రులవారికిమనం చేస్తున్న మానసిక పూజ పూర్తిచేసుకున్నాం.   పూజాఫలాన్ని కూడా బహగవదర్పణం చేయటం తో మన సంకల్పం సుసంపన్నం అవుతుంది.

అర్పణం

క. మానసికంబుగ చేసిన
ఈ నా చిరుపూజ నీకు హృదయంగమమే
యౌనని తలచెద రామా
దీని మహాఫలము గొనుము దీవన లిమ్మా


తాత్పర్యం.  ఓ శ్రీరామచంద్రప్రభూ! ఈ విధంగా నా మనస్సులోనే నీకు నేను చేసుకున్న చిరుపూజ నీ మనస్సుకు ఆనందం కలిగిస్తుందనే తలుస్తున్నాను. ఇలా నిన్ను పూజించుకోవటం మహాపుణ్యఫలాన్ని ఇస్తుందని నాకు తెలుసు.  ఆ ఫలాన్ని కూడా నీకే అర్పించుకుంటున్నాను.  దయచేసి అదికూడా స్వీకరించి అనుగ్రహించు.  నన్ను దీవించవయ్యా. అది చాలు నాకు.

(ఆగష్టు 2013)

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.