4, జులై 2013, గురువారం

రామకీర్తనలు - 1 మేము రామసేవకులము మాది రామకులము

మేము రామసేవకులము మాది రామకులము
మేము రామయోగులము మేము రామభోగులము

శ్రవణీయము రమణీయము మా రామనామము
నవనీతము కన్న రుచి మా రామనామము
దివిజు లెల్ల కొలిచేది మా రామనామము
భవతారణసుఖనౌక మా రామనామము

తల్లిదండ్రులు  మాకు సీతారామచంద్రులు
అన్నదమ్ములు మాకు శ్రీరామచంద్రులు
చింతదీర్చు స్నేహితులు శ్రీరామచంద్రులు
చేరదీయు మా దైవము శ్రీరామచంద్రులు

శ్రీరామ యనువారి చేరుట మా నైజము
శ్రీరామ చింతన మా చిత్తములకు అన్నము
శ్రీరామ కథలు మా చెవులకు సంగీతము
శ్రీరామ సేవన మా జీవితపరమార్థము

1 వ్యాఖ్య:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.