7, జులై 2013, ఆదివారం

రామకీర్తనలు - 2 రామచంద్రుల సేవ చేయగ రారే జనులారా!

రామచంద్రుల సేవ చేయగ
    రారే జనులారా సీతా
రామచంద్రుల సేవ చేయగ 
    రారే జనులారా!


నీలగగనఘన శ్యామలగాత్రుని 
    నిశ్చయముగ నెఱనమ్మి యెలమిని  ॥రామ ॥

పాలితత్రిభువనజాలుని సద్గుణ
    శీలుని నతజన పాలనలోలుని ॥రామ ॥

విదళిత సురరిపు వీర నికాయుని
    విమల చరిత్రుని వేదవేద్యుని  ॥రామ ॥


చెదరక బెదరక చీకాకులకు
    కదలక వదలక ఘనసంకల్పము ॥రామ ॥

బ్రహ్మాద్యమర ప్రార్థితుడైన 
    పరమపురుషుని పతితపావనుని ॥రామ ॥


బ్రహ్మానందామృతదాయకము
    బ్రహ్మజ్ఞానప్రదాయకమైన  ॥రామ ॥

(వ్రాసిన తేదీ: 2013-7-6)



2 వ్యాఖ్యలు:

  1. మరిన్ని కీర్తనలు పోస్ట్ చెయ్యండి శ్యామలీయం గారు.

    ప్రత్యుత్తరంతొలగించు
  2. అమ్మా, తప్పకుండా వస్తాయి. అందుకే కీర్తనలకోసం ఒక వర్గం ఏర్పాటుచేసాను.
    అయితే కిర్తన అయినా పద్యం అయినా వ్రాయాలి అనుకుని వ్రాయటానికి నాకు శక్తి లేదు. అంతా రామచంద్రుల ప్రేరణమీద జరగవలసిందే.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.