31, జులై 2013, బుధవారం

రామకీర్తనలు - 8 తెలుగుజాతిపరువు గంగ కలసిపోయెరా రామ

తెలుగుజాతిపరువు గంగ 
   కలసిపోయెరా రామ
కలతపడిన మనసుతోడ 
   తలచుచుంటిరా రామ

కుటిల మాయె రాజనీతి
గుటుకుమనెను తెలుగుఖ్యాతి
చిటపటల మధ్యక్రాంతి
ఎటుల గల్గు నింక శాంతి  ॥తెలుగు॥

ఒక్కటగుట పాపమేల
ముక్క చెక్కలాయె నేల
అక్కటా అభివృధ్ధి లీల
పక్కదారి పట్టనేల  ॥తెలుగు॥

తెలుగుజాతి కలహాలకు
కలుగునట్టి ఫలితాలకు
కలగునట్టి హృదయాలకు
కలత దీరు టెన్నాళ్ళకు  ॥తెలుగు॥

(జూలై 31, 2013)

3 వ్యాఖ్యలు:

  1. గోదావరి చీలెరా
    చిన్నబోయెరా కృష్ణ
    మిన్నకుండేనురా పెన్న రామా!

    ప్రత్యుత్తరంతొలగించు
  2. నా మనస్సులో ఉన్న ప్రణాళిక అనుకున్నది అనుకున్నట్టు అమలయితే తమిళనాడుని కూడా తెలుగునాడును చేసి తెలుగుతల్లికి మూడు పాయల జడ వెయ్యొచ్చు - 2019 తర్వాత మొదలవుతుంది నా ప్రయత్నం,అది సానుకూలం అవ్వాలని కోరుకోండి!

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.