9, మే 2013, గురువారం

పాహి రామప్రభో -101

చ. హృదయము నిచ్చి రామునకు నెల్ల విధంబుల రామదాసులై
సదయుని తోడిదే జగము సర్వము రామమయం బటంచు నె
మ్మది ధరనుండు వారు పరమాత్ముని సత్కృపచేత మోక్షసం
పదకు విశేషపాత్రులగు వారలు వారికి నేను మ్రొక్కెదన్

(వ్రాసిన తేదీ: 2013-5-7)

2 వ్యాఖ్యలు:

  1. ఇదే గుర్తుకొచ్చింది ఈ పద్యం చదవగానే...

    చందురు వర్ణుని అంద చందమును హృదయారవిందమున జూచి
    బ్రహ్మానందమను భవించు వారెందరో మహానుభావులూ..

    సామ గాన లోలా.. మనసిజ లావణ్య ధన్య మూర్ధన్యులెందరో..

    త్యాగరాజు రామ నామం కోటిసార్లు చేసాడుట ఇలాంటి పంచరత్నం నోట్లోంచి రావడానికి. మనకి ఎన్ని జన్మలు పడతాయో మరి ఆ స్థితి చేరుకోవడానికి. తల్చుకుంటే ఏడుపు వస్తోంది ' ఛీ వెధవ బతుకు ' అనిపిస్తూ

    ప్రత్యుత్తరంతొలగించు
    ప్రత్యుత్తరాలు
    1. ఎన్ని జన్మలైనా పట్టనివ్వండీ. కాని శుభేఛ్ఛ అనే మఒక్షభూమికను మనం అందుకొన్న నాటినుండి యెప్పటికైనా ధన్యులం కాక తప్పదు. భగవానుడే చెప్పాడు కదా, నహి కళ్యాణకృత్ కశ్చిత్ దుర్గతిం తాత గఛ్ఛతి అని. అందు చేత విచారం వదలి పెట్టండి.

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.