29, ఏప్రిల్ 2013, సోమవారం

మరల దూరం చేసి నన్ను ఏడ్పించకు

నేను
నీ ప్రపంచం లోనికి అడుగు పెట్టానో లేదో
నువ్వు
నా ప్రపంచాన్ని మొత్తం ఆక్రమించుకున్నావు

నాకు
నీ‌ ప్రపంచం గురించి తెలిసింది స్వల్పం
నీకు
నా ప్రపంచం గురించి తెలుసు సమస్తం

నేను
నీ పాదాలను తప్ప దర్శించింది స్వల్పం
నీవు
నా అణువణువులోను నిండినది సత్యం

ఇప్పుడు
నే నంటూ ఒకడిని లేకుండా పోయాను
ఎప్పుడూ
లాగే నీతోనే ఉండాలను కుంటున్నాను

నాకూ
అదే చాలా ఇష్టంగా కనబడుతోంది
నీకూ
అదే ఉద్దేశం ఉన్నట్లు కనబడుతోంది

నాకు 
తిరిగి అనవసరమైన ఉనికి కల్పింకు
నీకు 
మరల దూరం చేసి నన్నుడ్పించకు


2 వ్యాఖ్యలు:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.