9, ఏప్రిల్ 2013, మంగళవారం

పాహి రామప్రభో - 072

శా. డాపాంత్యక్షరపద్మమందు ఖగరాట్సంచారియై నిత్యుడై
యాపాతాళనభస్థలాంతభువనవ్యాప్తప్రభారాశి యై
చాపాద్యాయుధధారియై సుమనసః సంసేవ్యచిన్మూర్తియై
పాపారణ్యదవాగ్నియై జనకజా ప్రాణేశు డొప్పారెడున్  


(వ్రాసిన తేదీ: 2013-2-4)

2 వ్యాఖ్యలు:

  1. అయితే రాక్షసులంటే పాపాలే అంటారా? :-)

    ప్రత్యుత్తరంతొలగించు
    ప్రత్యుత్తరాలు
    1. అలా అనలేదు కదండీ ఇక్కడ.
      పాపారణ్యం‌ అనగా పాపములనే వృక్షములతో నిండిన అరణ్యం అని అర్థం. అంటే ఈ‌ అరణ్య భూమి మానవ చిత్తం అనుకుందాం. దాని యందు పాపచింతనలూ, పాపాచరణలూ, పాపఫలాలు అనేవి నీడిపోయి జ్ఞానసూర్యప్రకాశం చొరరాకుందా ఉంటుంది. అంటే అంతా అజ్ఞానాంధకారమే. అటువంటి విధంగా అయోగ్యం అయిపోయి దుర్గమారణ్యంలా మారిపోయిన హృదయభూమికి శ్రీరామనామం అనేది అగ్నికీలగా వచ్చి ఆ దుష్టమైన అరణ్యాన్ని దహించి వేస్తుంది. అరణ్యాన్ని దహించే అగ్నికి దావ అని పేరు. చిత్రం యేమిటంటే దావ అనేది అటవిలోనే పుడుతుంది. అలాగే శ్రీరామ మూర్తి హృదయంలోనే దాగి ఉన్నా సమయం వచ్చినపుడు దావలాగా వెలువడి పాపాలన్నీ‌ దహించి వేస్తాడని తాత్పర్యం. ఆ సమయం అంటే పాపాలకు పక్వత వచ్చినపుడు అని. చెట్లు క్రమంగా యెండి, వాటిలో‌వాటికి రాపిడి కలిగినప్పూదు దావ కలుగుతుంది. పాపాలకూ అలాంటి సమయం రాగానే విఛ్ఛిత్తి కలుగుతుంది అని తాత్పర్యం. ఇక్కడ రాక్షసుల ప్రస్తావన లేదు.

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.