6, మార్చి 2013, బుధవారం

ఇది నీ విచ్చిన జీవితము

ఇది నీ విచ్చిన జీవితము
తుది యిది మొదలిది యని తెలియని యొక
నది వలెనే సాగి పోయేదీ

జడివాన వలె కురిసే నీ దయ
బడయగ చిడిముడి పడు చిరు నది వలె
సుడులు తిరుగుచూ సాగేదీ
వడివడి పరుగుల వయ్యారి యిదీ
  
నిలకడ యను మాటే లేనిది
ఉలుకుల కులుకుల ఉరుకుల పరుగుల
గలగలల విలవిలల నడకల
పలు గతు లలరగ ప్రవహించేదీ
 
నిను వెదకుచు భువి తిరుగునది
అనిశము నిను కన నారాటమ్మున
మినుముట్టగ ఘోషించునదీ
నిను కలసిన క్షణమున నీ వయ్యేదీ

 

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.