4, ఫిబ్రవరి 2013, సోమవారం

పాహి రామప్రభో - 015


ఉ. రాముని కాలు సోకగనె రాయి యహల్యగ మారిపోయె మా
రాముని ఢాక సోకగనె రంకెలు మానెను జామదగ్ని మా
రాముని పేరు చెప్పగనె రాళ్ళు సముద్రము మీద తేలె మా
రాముని తూపు సోకగనె రావణు డీల్గె ధరాతలంబునన్


(వ్రాసిన తేదీ: 2013-1-12)


2 వ్యాఖ్యలు:

  1. మా రాముని చూపు సోకి సీత ఆయె సిగ్గుల మొగ్గ,
    మా రాముని మాట తాకి శాంతుడాయె సౌమిత్రి
    మా రాముని తలపు నిలిపె భరతుచే పాదుకలనగ్రమున
    మా రాముని గురుతు వలన ప్రాణము నిలిచె మంధరకున్

    అంతా రామమయం.....
    అందుకేనేమో పెద్దలు ఒకమాటన్నారు,
    రామా నీ మాటే మాట, రామా నీ బాటే బాట..
    రామ నామమే చాలు, రామ చింతనే మేలు అని.....

    రోజూ మీ పాహి రామప్రభోతో ఆ స్వామి దర్శనం చేయిస్తున్నారు. ధన్యవాదాలు.

    ప్రత్యుత్తరంతొలగించు
    ప్రత్యుత్తరాలు
    1. మనోహరుగారూ
      ఛందోబధ్ధంగా‌ లేక పోయినా మీ‌ పద్యప్రయత్నం చాలా బాగుంది. 'ఈ‌పాహి రామప్రభో' కృతి మీకు ఆనందకలిగిస్తున్నందుకు సంతోషం.

      నిజానికి యీ కృతికి మీ బోటి భక్తులు కొంచెం మంది తప్ప చదువరులు అంత ఎక్కువగా లేరు. కాని ఫరవా లేదు. ఇలా నేను నా కోసం వ్రాసుకుంటున్న యీ పద్యాలు నా బోటి మరి కొద్ది మందికి నచ్చినా చాలు.

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.