16, జనవరి 2013, బుధవారం

ఒద్దిక నుంటిని నేను విడచి పోవద్దని యడిగి యుంటిని నేను

ఒద్దిక నుంటిని నేను విడచి పో
వద్దని యడిగి యుంటిని నేను

న్నుల ముందున్నటులుండి
కన్ను మరుగాయే విద్యను
వన్నెకాడా చూపవలదని
విన్నవించిన వినకపోతివి

నటన నేర్చిన నాయకుడవే
యెటుల నిన్నాకట్టు కొందును
దిటవుగా నిను నమ్మియుంటిని
కటకటా కఠినుడవు నీవు
 
ముద్దుముద్దుగ నేనె నీవని
యద్ది యూహ నా మనసున
కొద్దిగా మైమరచి యుండగ
సద్దు చేయక జారిపోదువు

2 వ్యాఖ్యలు:

  1. మై మరచి ఉన్నను చేయి జారినను
    హృదయ మందిరం లో నే ఉన్నానయ్యా!

    'मै'మరిచి, మనంబున నన్ను నెంచ వయ్యా
    ఆ పై, జారుడూ లేదు, పట్టు, విడుపులూ లేవు!

    చీర్స్
    జిలేబి.

    ప్రత్యుత్తరంతొలగించు
  2. నటన నేర్చిన నాయకుడవే
    యెటుల నిన్నాకట్టు కొందును
    దిటవుగా నిను నమ్మియుంటిని
    కటకటా కఠినుడవు నీవు

    అలా కనపడతాడు, కాని మనసు వెన్న.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.