8, ఆగస్టు 2012, బుధవారం

అందరకు నీవు నాయకుడవు నా స్వామి

కొంద రున్నారు నా యందు నెయ్యము బూని
అందరకు నీవు నాయకుడవు నా స్వామి

విహిత మవిహితమును వినిపింతురు వారు
ఇహపరహితముల హెచ్చరింతువు నీవు
మహదద్భుతమైన మన్ననతో మీరు
వహియింతురిదె నాదు భారము కృపతో 

సదుపాయముల నిచ్చి చక్కగా వారు
సదుపాయముల గూర్చి చక్కగా నీవు
వదలక అభివృధ్ధిపధమున నన్ను
ముదమున నుంతురు మ్రొక్కెద మీకు

సకలకార్యములను సవరించెదరు వారు
సకలక్రియల శుభము సమకూర్చెదవు నీవు
అకళంకకృప నిట్టు లాదరింపగ మీరు
సకలాత్మనా యోగ సాధన నుంటిని

3 వ్యాఖ్యలు:

  1. చలా బాగా చెప్పేరు. జన్మాష్టమి శుభాకాంక్షలు.

    ప్రత్యుత్తరంతొలగించు
    ప్రత్యుత్తరాలు
    1. ధన్యవాదాలు.
      అందరకూ శ్రీకృష్ణజన్మాష్టమీ శుభాకాంక్షలు.

      తొలగించు
  2. చక్కని పద్యాలు...
    చాలా బాగున్నాయి శ్యామలరావు గారూ!
    శ్రీకృష్ణాష్టమి శుభాకాంక్షలు....
    @శ్రీ

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.