8, ఆగస్టు 2012, బుధవారం

తప్పాయె తప్పాయె తప్పాయె నా‌ వలన

తప్పాయె  తప్పాయె తప్పాయె నా‌ వలన
తప్పాయె లోకమునకు చెప్ప బోయి నందు వలన

వారి వలన తప్పు లున్న పరిహసించ లేదు
వారి దారి లోని ముళ్ళ వంక జూపి నేను 
తీరైన దారి నిన్ను తెలియు దారి యనుచు
నోరు జారి పలికి నా నోహో తప్పాయె

భుక్తి కొరకు ప్రాకులాడు భూమి జనుల ముందు
శక్తి కొలది రక్తి కొరకు చచ్చు వారి ముందు
ముక్తి మార్గ మిట్టి దనుచు మొఱ్ఱ వెట్టి నాడ
భక్తి లేని వారి ముందు పలుకుట తప్పాయె

కొంచెపు వారైన చాల గొప్ప వారైనను
సంచితప్రారబ్ధంబులు సంక్షయ మగుదాక
ఎంచలేరు నిన్ననునదె యెరుగ లేక పోయి
మంచి దారి మోక్షమనుచు మాటాడి తప్పాయె


2 వ్యాఖ్యలు:

  1. ప్రత్యుత్తరాలు
    1. అభ్యాసక్రమంలో అనేక సంవేదనలు కలుగుతూ ఉంటాయి.
      అన్నీ యీ దేహసంసర్గము కలిగిన జీవునివే కానక్కరలేదు.
      యెక్కడో స్పష్టంగా చెప్పలేను. ఒక చోట ఈ రోజు భాగవతాపచారం జరిగినదిగా అనిపించింది.
      చాలా అశాంతి కలిగింది. ఈ‌ పరివేదన ఆ జీవునిది.

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.