2, ఆగస్టు 2012, గురువారం

ఇంత కన్న లోకాన యెన్న డైన గాని వింత మాట పుట్టేనా వేయి మాట లేల

ఇంత కన్న లోకాన యెన్న డైన గాని
వింత మాట పుట్టేనా వేయి మాట లేల

మంచి చెడు లంట కుండ మసిలెద వట నీవు
మంచి మంచి పనులు సేయ మంచి నేర్పరి వట
అంచితముగ నేను నీకు మంచి చాయ నంచు
మంచి దారి నడువ శక్యమా నీ కందువు

గుణము లంట కుండ నీవు కులుకు చుండెద వట
రణములాడి దుర్గుణులను రాల్చు చుండెద వట
గణుతింప నీయందు నే కలిగితి నందువు దు
ర్గుణపాశలతికలు నేను కోయ లేనందువు

ఒంటి గాడ వై హాయిగ నుండ నేర్చెద వట
తంటాలను తీర్చి మంచి దారి చూపెదవట
వెంటబడి నిన్నింక నే విడువ బో నంటే
అంటకాగి నే నుండుట అక్కజం బందువు

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.