18, ఏప్రిల్ 2012, బుధవారం

ఇది నా అద్దమేనా ఇందులో నీ రూపమే కనబడుతోంది

ఇది నా అద్దమేనా
    ఇందులో నీ రూపమే కనబడుతోంది
ఇది నా ప్రపంచమేనా
    అన్నిటా నువ్వే నిండి కూర్చున్నావు
ఇది నా మనస్సేనా
    ఇప్పుడు నీ మాటే వింటున్నట్లున్నది
ఇది నా జీవితమేనా
    మరి నీ యిష్టప్రకారమే నడుస్తున్నట్లుంది
ఇంకా నేనెందుకయ్యా
    ఇప్పుడు అది కూడా నువ్వేనంటే పోలా

14 వ్యాఖ్యలు:

  1. సంతోషం అండీ. కొంచెం మార్పులు చేసాను చూడండి.

    ప్రత్యుత్తరంతొలగించు
  2. గురువుగారు! మీ కవిత చదవటం మొదలుపెట్టినపుడు ..అహా.. బాగుంది, అన్నిటా నీ రూపే, అంతా నువ్వే, నీ మాటే అని చదువుతుండగా హట్టాత్తుగా "ఇంకా నేనెందుకయ్యా ఇప్పుడు అది కూడా నువ్వేనంటే పోలా" అని చదవగానే నవ్వొచ్చేసిందండి!బాగుంది...

    ప్రత్యుత్తరంతొలగించు
  3. తాడి గడప వారి తపనలో పరమాత్మ
    నిండి యద్ద మందు నిలిచె నేమొ !
    రూపు మాట మరియు చూపున నాతడే
    యితడి బదులు వచ్చి హితము గూర్చె

    ప్రత్యుత్తరంతొలగించు
    ప్రత్యుత్తరాలు
    1. కం. లక్కాకుల వారు దయతో
      వక్కాణించినది నిజము పరమాత్ముని పై
      నిక్కపు ప్రేముడి మాటల
      కెక్కొంచుచు నుంటి స్వామి కేరింతలనే

      తొలగించు
  4. చిన్నప్పుడు విన్న తత్వాలు గుర్తుకొచ్చాయి. మీ బ్లాగు ఇదే చూడ్డం, తాత్విక చింతనాధారంగా రాస్తున్నారని నా భావన.

    ప్రత్యుత్తరంతొలగించు
  5. కం. చదివిన చదువుచు నుండిన
    ముదితాత్ముల కెల్ల తొలుత మ్రొక్కెద స్వామిన్
    వదలెక కీర్తించెడు నా
    హృదయము మీ మెప్పు నతని కృపగా నెంచున్

    ప్రత్యుత్తరంతొలగించు
  6. శ్యామలీయం వారు,

    అద్దమూ,రూపమూ, ప్రపంచమూ మొ ఏవీ మనవి కావేమో నండీ !


    ఇక నేనెందు కంటారా , మనసో రేతః ప్రథమం యధాసీత్, (వాట్ ఈజ్ దట్ ?)


    మీ బ్లాగు లో వర్డ్ వెరిఫికేషన్ మరీ కష్టం గా ఉంది కామెంట డానికి!


    చీర్స్
    జిలేబి.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.