24, అక్టోబర్ 2011, సోమవారం

తెలియగ నా కేల తెలిసినదే చాలు

తులలేని  యీ సృష్టి యేరీతి గలిగెనో
    తెలియగ  నా కేల తెలిసినదే చాలు
కలిగిన యీ సృష్టి యే రీతి నిలచునో
    తెలియగ  నా కేల తెలిసినదే చాలు
విలయమీ సృష్టికే విధముగా గలుగునో
    తెలియగ  నా కేల తెలిసినదే చాలు

తెలిసిన దొక్కటే తెలియగ తలపోసి
   తెలియ నేరక చాల విలవిల లాడక
తెలిసిన కొలదియు తెలియరానిది చాల
   గలదని తెలియచు గిలగి లాడక
కలిగిన తెలివేదొ కలిగె నిదియే చాలు
   కలవు నీ వన్నిటి కని మిన్నకుంటిని

ఒకవేళ నీవునే నొకటిగా లేకున్న
    నిను గూర్చి తెలియగా వలెనయ్య నాకు
 సకలాత్మరూప  నా స్వస్వరూపము చూడ
    నది నీకు ప్రతిబింబ  మై యుండు నన్న
అకళంక సత్యమే నా యాత్మ నిండినది
    యదియె చాలని తృప్తి పడి మిన్నకుంటిని

1 వ్యాఖ్య:

  1. Dear Shyamala rao Garu,

    Hope you are doing Good. We used to stay next to your house in Belmont, CA. My name is Prakash and My wife's name is Sudha.
    How is Sarada Garu. What is your phone number.
    My email id is prakash.velamuri@gmail.com

    Thanks

    Prakash

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.